देशमा संघिय व्यवस्था लागु भईसकेपछि सुदूरपश्चिम प्रदेश सरकार, भूमि व्यवस्था, कृषि तथा सहकारी मन्त्रालय मातहतमा दार्चुला जिल्ला कार्यक्षेत्र रहने गरी आ.ब. २०७७/०७८ सालमा कृषि ज्ञान केन्द्र दार्चुलाको स्थापना भएको हो l दार्चुला जिल्लाको आर्थिक विकासको मेरुदण्डको रुपमा रहेको कृषि क्षेत्रलाई समयसापेक्ष नयाँ प्रविधिको माध्यमबाट आधुनिकिकरण र व्यवसायीकरण गरी समग्र जिल्लावासीको जीवस्तरमा सुधार ल्याउनु यस कार्यालयको मुख्य जिम्मेवारी रहेको छ l